樣惡但其實有線條的 – V-Moda XS On-Ear 耳機

身價近千七的V-MODA XS 耳筒繼M-100 大獲好評後再下一城,在靚聲之餘,也優化了體積、靈活性的問題,確切解決了外出攜帶時的需要。V-MODA 前作 「M-100 耳筒」雖獲獎無數,但體積偏大,所以新作可以在體積上 「補完」,將 「音樂發燒友」恩物M-100 補及到大眾層面,花了共五年時間作「大瘦身」,開發出最新型號 「XS」。

vmode-vx14

由外觀可見, V-MODA 在XS 的 「On Ear」概念上花了唔少心思,無論體積、舒適度以至音質都用了很多精力作優化,有粉絲更直指它是傳奇耳機 –「M-80」 的進化版。而XS 的頭帶弧度設計得十分巧妙,可貼服「卡」在各種頭形之於,又唔覺重。而專利設計– 「無縫貼頭概念」 都令耳機重量可以均稱分佈,直接令玩家可以「忽視」了耳機的存在。

vmode-vx15

vmode-vx16

有使用過的玩家指出,配戴V-MODA XS 時雖同樣壓住耳背,但壓住耳背的力度輕,而耳筒內的海棉亦會緩和了擠壓力度,所以耳仔就無之前長期配戴M-100 的不適感。而且,經歷5年的研發艱辛後, XS 終於揾岩左「貼耳式耳機」的「最佳佩戴角度」同「力度平衡」,所以不論頭大、頭細、形狀各有差異的配帶者在XS 下都一一照顧週到,同樣能做出 「側壓力度」幾乎同等的「均稱」貼耳配戴感覺,「唔捨得除」就一定嫁啦 !!!

vmode-vx17

vmode-vx18 vmode-vx19

至於輕便方面,得到 「耳機最佳摺疊系統 — Cliqfold」專利設計的XS,在微型化後更加「強悍」,「變身」後能將體積縮減達50%,令其 Size 變成於 「太陽眼鏡」等日常配備般纖巧,細到你唔信。而且,XS 在耐用性上都十分有來頭,據稱曾通過「美軍軍用規格測試」,所以玩家對其對接位同骹位的耐用性一定可以放下顧慮,中意點玩都唔怕爛 !!!

vmode-vx20

此外,XS 仲設有「左右聲音輸入功能」同 多款旗艦級耳筒都無既 「左右鏡面平衡設計」。此設計令 「構造」、「空間」同「零件」都可以左右完美一樣,令左右聲音一致而不受其它因素影響。

vmode-vx22

vmode-vx23

手機直出測試

記者用上Sony Z2作直接輸出,用來收聽CD質素的 【J.Arie 雷琛瑜 -《第一志願》】,先此聲明,小記近年對J.Arie的音樂非常鐘愛,尤以"第一志願",所以有機會因為這樣而加分的^^",說回感受,XS比小記感覺非常人聲向,以Z2直出將音壓調到最大,叫做緊緊夠聲,未上耳前,對XS感覺以為是坊間一般耳機,以重低音來取悅用家,但上耳開聲後原來絕非低音向耳機,反而在這首歌上,XS著重了在人聲方面,而奇怪的是XS會出到一些平時唔會聽到的樂器聲,但就以"第一志願"的音樂感來講,偏向比較平面,除了人聲企前之外,其他的音樂部份相對縮得比較後。再聽下D POP野,拿來CD直RIP的【小肥 – 《講呢啲》】,同之前一樣,XS沒有著重在低音方面,反而好多平時唔留意到的例如敲擊部份,電結他都放得比較前,算是到了頭中位,尤其係小肥頭一段,會聽到D 咚咚咚咚的敲擊聲,唔怪之得網上可看到一位影音界資深記者在XS發布會上,聽完即時中左,要自己比錢買一隻啦,如果喜歡聽POP又用手機的朋友,對XS有一份好感絕對不奇呢 XDDD!!

vmode-vx24

產品資料

驅動單元:40mm雙振膜動圈單元

頻率反應:5Hz – 30kHz

靈敏度:105 dB

電阻:28.5Ω

接口:鍍金3.5mm雙插頭位

線材:Kevlar SpeakEasy 耳機線

重量:195克

售價:$1,680

>

有你既支持,就係我地最好既推動力,齊齊參與

FUNPost76.com

<

歡迎進入我地論壇對>>本文章<<發表您的回覆啦^^"
>

*** 溫馨提示:想更緊貼更多影音界的最新資訊,請到以下的 Facebook 專頁按「讚好」 Google+ 專頁按「加到社交圈」加入我們,每天就會收到全新的中文影音免費資訊呢!! ***


🏠 ★ Post76網店經已開幕 《store.post76.hk》

火麒麟

關於火麒麟

火麒麟 - 顧明思意, 咩野都岩玩, 但就樣樣點著火頭就行開去, 喜歡聽歌, 咩歌都岩, 器材就一定要好聲, 但天價野就唔岩玩, 聽歌懶理好聲唔好聲, 最緊要岩聽.

觀看所有 火麒麟 的文章

相關文章