童軍喪屍鬥 -《戇 Scout 打爆喪屍城》

後生仔邊個唔鍾意玩?童子軍都唔例外!咪以為佢哋淨係識考章,原來打起喪屍一樣有板有眼!屢獲新演員獎提名嘅19歲荷里活亮眼新星泰謝爾丹(Tye Sheridan)率領一班年輕演員玩轉喪屍城,由避走大街橫衝直撞,到誤闖小屋困屍鬥;由驚爆差館手震自拍,到自創武器橫掃狂野派對;大小驚嚇場面緊湊,面臨大難仍不時大放笑彈。之前參與多部大片如:《心蹤罪》(Dark Places)、《生命樹》(The Tree of Life)演出嘅泰謝爾丹,今次飾演一個童軍,為咗逃出喪屍城,救回自己心儀女神,聯同兩個戇Scout死黨施展渾身童軍技能,到超市擸齊電鋸、鐵釘、扇頁、汽油…自製創意武器,實行硬膠救地球。

SZ-01840R_1

《午夜來嚇》系列(Paranormal Activity)億萬美元編劇基斯杜化蘭登(Christopher Landon)今次親自執導,變本加厲發揮嚇人本色;仲有《變形金剛》(Transformers)系列視覺特效精英創新嚇破膽方程式,《戇Scout打爆喪屍城》(Scouts Guide to the Zombie Apocalypse)勢要嚇到你彈起,笑到你飛起!

SZ-04761R_1

 警告:喪屍出沒注意! 去露營要做足準備!

三個童子軍Carter、Ben、Augie老友鬼鬼約埋去露營。Carter同Ben趁Augie熟睡,想偷偷竄去狂野派對。途經夜店,兩人好奇闖入,諗住大開眼界;點知脫衣舞孃突然撲向兩人噬咬,更遭大群喪屍瘋狂追殺!兩人走到差館避難,反而被喪屍群起包圍。大難臨頭之際,好在Augie及時趕到救命,三人死裡逃生,發現全城已經喪屍化!為了全身而退及救回城內僅餘人類,三個戇Scout勇字當頭,決意施展童子軍求生技能,同喪屍玩鋪勁!


🙋‍ ★ 想睇版友討論以上文章?? 《點我進入討論》

🏠 ★ Post76網店經已開幕 《store.post76.hk》

Post76 Reporter

關於Post76 Reporter

身為76戰地記者, 人玩我又玩, 人唔玩我都要玩, 咁先係76新聞, 事事上心, 願天下毒物都任我們76記者任玩任試.

觀看所有 Post76 Reporter 的文章

相關文章