「請叫我英雄」漫畫改篇電影:《喪屍末日戰》

上星期去左睇優先場,本身都幾鐘意睇呢套漫畫,不過呢期日本漫畫改篇電影真係可以睇到你好開心,又可以睇到你想殺人,有睇過巨人就明我講咩了吧!不過今次真係好好睇,所以特別寫番幾隻字,推介番比大家睇!

有睇過漫畫的人都應該無人會反對大泉洋做男主角,個樣完全一樣,唔知以為先有真人電影,後有漫畫都唔奇,但你無估到電影入面,佢的還原度度可以用100%來型容。

13041070_1181764065167065_3945841764802814019_o.jpg

漫畫變真人電影,故事有所改動好正常,但完全無影響故事整體構造,無好似巨人同爆漫咁,改到變左另一個故事,劇情爽快,無悶場,吐槽位極多,笑到全場拍手掌位極多,有部份笑位雖然睇漫畫時已有,但由佢地做番一次真人表演出來,比原作更爆笑,特技化妝一流,喪屍絕對唔假,有足夠血腥,但又唔會話好核突,導演呢方面把握一流,兩位女角長澤正美同有村架純戲份其實不多,不過如果你係為睇佢地而入場,應該唔會失望,真人靚過漫畫版咁多,點可能會失望先。

13112966_1185092434834228_6592362825285571221_o.jpg

呢套戲今天(2016年5月5日)就正式公映啦,睇完美國英雄的朋友,睇埋呢套日本的英雄都唔錯架!

2016-04-30 10.33.24-2.jpg


🙋‍ ★ 想睇版友討論以上文章?? 《點我進入討論》

🏠 ★ Post76網店經已開幕 《store.post76.hk》

阿定

關於阿定

喜愛動漫,喜愛打機,喜愛電影,喜愛運動,半個IT人,半個廢人

觀看所有 阿定 的文章

相關文章