定之影評 ~《天煞地球反擊戰:復甦紀元》無劇透簡評

2016-06-23 19.18.23.jpg

廢話不多說,睇科幻片,睇大畫面是常識吧,所以去了睇IMAX版,3D效果唔錯,始終CG為主,全場3D位算多,亦夠震撼,聲效方面,可能唔係ATMOS點都差d,期待出碟後自己係屋企炸多次,畫面OK就一定架啦,廿年後的戰鬥,仍見到廿年前的主要角色出現,真係幾有親切感。

《天煞地球反擊戰》後,出現了無數外星襲地球的科幻片,所以大家唔好太期待有什麼出人意表的打鬥場面,基本上全都係似層相識的了,如果無睇過第一集或已經忘記左講咩的朋友,我建議入場前,最好重溫一下,如果當獨立一部電影來睇,呢套戲,可能只有6-7分,但有睇第一集的話,可以比夠7-8分,成套戲唔係唔好睇,但老主角們真係好搶眼,人物關系唔清楚咁入去睇,可能會少D共鳴,新人表演唔算突出。

成套戲,你以為已經變成地球村了嗎?當然無可能了,做開大佬的國家,仍係大佬,戲裡戲外都一樣,比錢的國家付責比錢,話事的,始終係大佬,比左錢都唔會有所改變,上集射爆可樂,叫型,係因為劇情需要才植入廣告,並唔係為左植入廣告,而加插戲情,唔知係特登定意外,不少國語對白,無打字幕,對睇外國電影要追字幕的我,我真係要多謝字幕組,不過今次Angelababy唔算花瓶角色,真正融入電影,值得恭喜。

總結: 真心係好睇的,而且大型戰鬥場面無偷工減料,全場無悶場,基本上無咩理由唔睇的,當然你打算睇有深度有劇情的電影,咁就例外了。


🙋‍ ★ 想睇版友討論以上文章?? 《點我進入討論》

🏠 ★ Post76網店經已開幕 《store.post76.hk》

阿定

關於阿定

喜愛動漫,喜愛打機,喜愛電影,喜愛運動,半個IT人,半個廢人

觀看所有 阿定 的文章

相關文章