定之影評 -《攻殼機動隊》Ghost in the Shell 速評

110821ied1c0chchc0ag2c

雖然我係一個日漫迷,亦知道《攻殼機動隊》是大受好評的名作,但無論漫畫,電影,電視動畫我都無去睇過,適逢真人版電影上映,昨天抽空去了睇首映,可能無期待,睇完特別喜出望外,如果你係怕了日漫改篇電影必爛的話,我可以講,絕對唔駛擔心,由頭到尾都好表達到日系動漫風格,香港場景非常多,多得來又唔會好似變形金剛咁搞到好討厭,特別來香港取境果然真實好多,還記得八九十年代的日漫,有唔少都係以香港做場景,《攻殼機動隊》亦係以香港為藍本設計,由於無睇原作,還原度高唔高我就唔知,但我真係覺得如果未來世界真係出現,未來的香港就係咁的樣,作為香港人,非常滿意!

Scarlett Johansson plays Major in Ghost in the Shell from Paramount Pictures and DreamWorks Pictures.

動作場面方面,有好多場景都玩水玩得出神入化,槍戰場面亦唔少,特技方面,除了其中一兩個場景唔夠真外,整體都唔錯,聲音方面,我係FESTIVAL GRAND睇ATMOS版本,非常到位,由於槍戰同拳腳位唔少,所以十分值得為高清音效揀間好的戲院,畫面方面,我睇的係3D版本,唔算特別多用得著3D的場景,但因為唔少係實景未來化,睇3D會特別感受到未來世界的空間感,故事方面反駁位唔多,無悶場,好難想象係八十年代尾的作品改篇。

Ghost in the Shell from Paramount Pictures and DreamWorks Pictures.

整體而言,我覺得好睇過生化危機好多,始終係一個完整故事真人化,有好的故仔,加上製作認真,可以話係近幾年日本動漫改篇真人電影的最高之作,如果你無睇美漫都去睇Marvel電影,我覺得對多數睇日本動漫長大的香港人來講,無理由唔去睇呢套《攻殼機動隊》,就算好似我咁,無睇過原作的,都絕對唔會有睇唔明的問題出現,唯一美中不足應該係套緊身衫(?)唔夠性感。

Scarlett Johansson plays The Major in Ghost in the Shell from Paramount Pictures and DreamWorks Pictures.


🙋‍ ★ 想睇版友討論以上文章?? 《點我進入討論》

🏠 ★ Post76網店經已開幕 《store.post76.hk》

阿定

關於阿定

喜愛動漫,喜愛打機,喜愛電影,喜愛運動,半個IT人,半個廢人

觀看所有 阿定 的文章

相關文章