AK SP1000 + Campfire Andromeda (仙女座) 實試三條 2.5 平衡線

上回講到, 小瑟入手 Campfire Andromeda (仙女座)耳機之後, 都希望可以用盡佢同佢搵條好人家, 等佢可以盡情發揮, 就係咁, 今次小瑟就用上最新的最頂級的 AK SP1000 再配以三條市場上都算最為普遍的 2.5mm 線材, 逐條同大家分享一下吧.

ak-sp1000-campfire-andromeda-2-5-cable

先同大家講小小三條線的來歷先!

ALO Reference 8 IEM : 呢條來美國製造的 ALO Reference 8  是參考旗艦線材 Reference 系列設計而製成, 線芯擁有 4條鍍銀 + 4條純銅線, 而且有MMCX, CM-2pin 和 3.5mm, 2.5mm的配搭可供選擇。線身硬得來好難固定到佢, 影相有小小難攪.

ak-sp1000-campfire-andromeda-2-5-cable

Dita Truth Cable : 由擁有荷蘭名廠 Van Den Hul 專利的「3T」碳底線芯, 配合 Dita 自家原創 Awesome Plug, 可轉換不同的插頭接不同的器材, 可有 MMCX與CM 2-pin兩種選擇。呢條線小瑟覺得比較中性, 同埋最型仔.

ak_sp1000_balance_cable_04

Final Lab II:Lab II 所使用的線材以銅鍍銀製成, 聲音十分細緻, 音場定位準確。而 MMCX 插頭部份則使用來自瑞士的部件, 聽說十分耐用。連線皮的絕緣層也使用上株式会社潤工社旗下JUNFLON品牌的技術以PFA製成,而線皮則是使用了靈活度高的PVC,令方便使用的同時再減低了聽診效應發生的機會,令人能專心舒適地享受音樂。

ak_sp1000_balance_cable_05

AK SP1000 + 仙女 2.5MM 三線實試

首先小瑟試聽左軒仔(張敬軒)當年在環球最後一張 Hi-Fi 唱片《Pink Dahlia》中的《完全因你》, 呢首歌最好的就係軒仔一開頭清唱了一大段, 呢段最好就係用來測試細緻度, 同人聲的厚度, 睇下換左2.5mm平衡線之後, 究竟出到幾多沙沙石石勒. 先以 ALO 的2.5做測試, 經過 ALO 2.5的輸出之後, 軒仔清唱一段就好似係耳邊歌出來的, 好埋身, 好近的, 而聲底感覺比較厚身, Detail 位唔算好出位, 算係厚潤的一種.

ak_sp1000_balance_cable_02

之後就用上 Dita 的 Truth Cable 2.5mm 線材去作測試勒, 清唱部份空氣感比 ALO 強, 明顯感覺比 ALO 的空間感大, Detail 位比 ALO 好, 但厚度就冇 ALO 咁潤了, 感覺中低頻位比較薄了一點點, 線材性格比較中性.

ak_sp1000_balance_cable_06

最後就用埋 Final 線去一試. 呢次不得了, 由 Final 2.5出來的軒仔無論係口水聲, 呼吸聲, 喉底位, 都非常非常的清楚聽得到, 感覺就真係好似軒仔兜口兜面企係你面前唱歌咁, 不過 Final 的中低頻亦都係最輕最薄的一條, 你可以話佢爽快, 明朗, 但如果愛好聽 POP 的朋友可能會有機會覺得唔係好夠喉, 什至會有一點乾乾地的感覺, 但如果你係喜歡聽仔細野, 咁 Final 應該非常岩你口味.

ak_sp1000_balance_cable_05

三條 2.5 線聽POP又會如何呢???

講完 Final 聽 POP 未必夠喉, 又點會唔試下聽 POP Song 呢??? 再來聽下德哥最新力作《太極樂隊 Tai Chi Band「Rock the Ballad」》, 《點夠喉》一定走唔乜, 講開又講, SP1000 呢部機真係好勁, 咩都唔洗講, 就係食咩都 OK 的, 佢忠實重播得來, 背景真係靜到喊, 乾淨到可以用”無菌”來形容, 不過 AK 出到呢個價既機, 真係一定要返呢個水準先掂呢.^^" 講返三條線, 的確同我上面講的一樣, Final 最薄聲但要 Detail 佢比到你好夠. 而 Dita 就中性平衡, 音樂感不俗. 最後 ALO 係聽快歌反而有幾唔錯的音樂感, 好好 UN 但就少了一份壁壁壘分明果份細節感覺.

ak_sp1000_balance_cable_07

CONCLUDSION:「完全唔知價的測試, 邊條岩你??? 要睇下你鐘愛聽什麼了!!!」

三條線其實都有幾明顯的性格, 如果雜食類的朋友不妨考慮 Dita, 因為佢平衡度高, 唔會偏向任何一個方向, 但當然得來的就係會比較小了一份音色上的性格啦, 另外小瑟個人覺得 Dita 都有小小挑機的, 因為都有試過用係 Onkyo 的 X1 上, 唔知係咩原來, Dita 線出來效果力水唔到位, 感覺有一點濛, 有一點力不從心的情況, 但係SP1000 上又完全冇哂以上的問題, 反而仲比到小小驚喜小瑟添..…..好奇怪呢@@". 而 ALO 可以講係同仙女本身跟機來的 3.5 性格最相似, 埋身厚聲底, 好穩陣但少了其獨特的性格. 如果要小瑟入手的, 相信 Final 暫時會係最有機會的一條了, 事關聽近年的 HiFi 唱片或外國唱片來講, Final 雖然低音比較薄身, 但佢果份獨有的乾淨的 Detail 感, 讓小瑟覺得呢份性格鮮明幾岩我口味, 事關其餘的兩隻耳機中的厚潤聲底, 小瑟係自己手上的其實耳機都帶有一點點這樣的性格, 如 E900M, Shure 846都已可比到我呢.


🙋‍ ★ 想睇版友討論以上文章?? 《點我進入討論》

🏠 ★ Post76網店經已開幕 《store.post76.hk》

小瑟

關於小瑟

一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台, Post76玩樂網.

觀看所有 小瑟 的文章 - 網站

相關文章