港版 HomePod 音色+現場聽感分享

蘋果聰兄禮貌的稱呼小瑟為音響專家, 但小瑟絕對唔敢當 , 尤其係音響, 小瑟只係想同大家分享一下聽完HOMEPOD之後的感覺 . 係蘋果出左又點可以唔同自己友再分享下呢????

HOMEPOD在香港應該會好受歡迎, 因為太方便了, 講一句 “喂SIRI, 我想聽張學友真情流露就可以有歌聽, 仲可以問佢天氣點, 去邊度點行, 二千幾蚊, 仲有得輸!?? 

聽感方面, 片中其實都有講, 佢7隻高音呢個咁新鮮的擺法, 高音向左檯面板射, 再擴散出來, 所以小瑟聽到好大個音場係HOMEPOD周圍, 不過就同大家聽HIFI喇叭的感覺好唔同, 一來佢唔會做出前台歌手唱歌的感覺(就算一對做立體聲都好, 都唔會做到), 二來佢既設計跟本唔係比大家用HIFI發燒角度聽定位的, 所以大家唔洗幻想佢有音場之類既效果. 但如果聽周圍行都聽到差唔多的音色, 佢就做得到了.

講埋音色, 小瑟的確係覺得佢高低二邊如果再煲返30-50個鐘, 個高音會開揚返的, 依家聽有小小"暗口" 的感覺, 不過呢個都同佢向下射的高音設計有關, 所以我依然覺得係煲左係會好好多的. 低音就真係唔錯既, 有小小深潛力, 唔係震褲腳果隻, 但聽得出係有低音單元做到野果隻.

暫時係條片度, 小瑟聽左2個小時左右, 我覺得HOMEPOD果刻係中低音比較強烈, 高音未得, 有點濛, 不過一般用家聽我覺得佢地會覺得好好聲, 因為低音線條好靚. 音壓夠哂一般家庭使用, 至於有冇一對玩的需要呢?? 我暫時唔覺得需要, HOMEPOD亦都唔會以取代一對的傳統喇叭, 但以藍牙喇叭角度睇, 佢掃低好多喇叭, 音色唔嬴, 都一定嬴左方便性同價位.

港版 HomePod 音質+現場聽感分享
以下係小瑟試聽時由蘋果攝影師哥哥影的照片。(佢都係HIFI友來架!)

港版 HomePod 音質+現場聽感分享港版 HomePod 音質+現場聽感分享

港版 HomePod 音質+現場聽感分享

蘋果日報報導 : https://hk.lifestyle.appledaily.com/lifestyle/realtime/article/20190116/59145685


🙋‍ ★ 想睇版友討論以上文章?? 《點我進入討論》

🏠 ★ Post76網店經已開幕 《store.post76.hk》

小瑟

關於小瑟

一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台, Post76玩樂網.

觀看所有 小瑟 的文章 - 網站

相關文章