日本 TASCAM 商用 4K 藍光播放機 | DENON AVC-8500 更新後仲可玩 DTS IMAX模式?| PlayStation 可睇 Apple TV 了 | Definitive Technology及 Polk Audio旗艦喇叭獲得 IMAX Enhanced 認證 |《正義聯盟》僅得 4 分鐘全新片段【本週熱話 | 20-Nov】

香港家庭影院發燒友會入手嗎?
日本 TASCAM 推出商用專業 4K 藍光播放機【影音資訊】

係一片沒機用的情況下,日本專業商用品牌 TASCAM 宣佈於 2021 年 1 月底發布全新專業用 4K 藍光/多媒體播放器 BD-MP4K,開售價為 100,000 日元,約港幣$ 7,400 。新機可對應機架安裝,播放規格對應 4K UHD、Full HD藍光、DVD 及 CD 等,更能對應 USB 手指及 NAS 媒體檔案播放。呢部4K藍光機預載一組視頻/音頻輸出 HDMI 2.0 及一組僅用於音頻輸出 HDMI 1.4 端子。此外,新機亦自帶 XLR 平衡輸出,RCA 非平衡兩聲道輸出,RCA 非平衡 7.1 聲道輸出,我地版上好多版友都會玩下戲院用的擴音機,呢部BD-MP4K會唔會都係一班家庭影院發燒友的目標之一呢?

TASCAM BD-MP4K 商用專業 4K 藍光播放機【影音資訊】

DENON AVC-8500 更新最新版本後
竟然仲可以偷雞玩到 DTS IMAX模式??【科林熱話】

早前小瑟同威廉Sir就為左天龍同馬蘭士2020年最大的軟件更新做左一場 Youtube 直播呀,雖然更新左既野非常之多,對於玩 Dolby Atmos 的朋友,最新的1.6版本亦可以比到好大的音質提升比用家。但要更新上到新版本要放棄就係唔可以再用"偷雞"方式去玩IMAX升頻模式,呢點都另不小現有用家考慮究竟更唔更新。不過我地家庭影院版上就有版友"AV玩家"更新完之後,發現竟然仲可以玩番DTS升頻上IMAX的"偷雞玩法",AV玩家發現,只要用同軸線將藍光機同8500接上,再去設定上將IMAX Setting 設定為 Auto或者 ON,再去OPPO藍光機的設定內,將光纖/同軸輸出設定做DTS輸出,就咁可以玩到偷雞IMAX升頻勒。而呢個帖一出之後,好多版友都回覆真係可以,而且仲有多達17頁的討論。睇來呢個功能對於成手都係藍光碟的版友來講都幾重要喎。如果你都15/16因為呢個原因考慮緊升唔升級,不如都去返我地科林睇下個Post啦!

PlayStation兩代主機
正式支援軟件版 Apple TV APP睇戲了!!【影音資訊】

過往大家必須透過 Apple TV 盒子先可以在電視上欣賞 Apple TV+ 或 iTune上購買的節目,而過去一年 Apple 的政策目前有所改動勒,佢地十分積極將 Apple TV+ 串流服務範圍擴展到至第三方硬件。依家大家除了可在 Samsung 電視上揾到其 App 的身影,LG 及 Sony 等品牌都相繼可以用不同的方法支持到 Apple TV的功能了。現役 PS4 系列或 PS5 既朋友要注意勒!上周末 Apple TV 功能正式登錄左係 PlayStation既系統內勒。大家只要在 Playstation Store 搜尋同下載就可以用到勒。新程式對應 Apple TV + 及從 iTunes 購買電影,但係經我地實試之後,就發覺未能支援 Dolby Vision。值得一提的是, Microsoft 最新 Xbox Series X 和 S,以及 Xbox One 都能對應 Apple TV 功能,大家記得唔好白白浪費左呢個實用影音功能啦。

Apple TV 正式登陸 PlayStation 4-5 兩代主機【影音資訊】

Definitive Technology及Polk Audio旗艦系列喇叭
正式獲得 IMAX Enhanced 認證【影音資訊】

Definitive Technology和Polk Audio母公司Sound United宣布,兩個品牌的幾種揚聲器型號均率先獲得IMAX增強型認證。新認證的揚聲器包括品牌內的旗艦系列的 D17,D15和D5c,以及Polk Audio Legend 系列的 L800,L600和L400。根據IMAX和Sound United的聯合發佈講到,認證流程源於IMAX 和 DTS 及 荷理活電影製作的混音師以及廠方工程師在內的行業專家的合作而得到認證。發佈中仲講到IMAX Enhanced 喇叭認證的目的是在毫不妥協的情況下,器材可以代表到IMAX要求的聲音。保持影迷對 IMAX的期望和 IMAX最強的超強動態係最首要的目的,因此,在評估喇叭認證的資格時,我們考慮了聲壓,頻率響應和喇叭性能的一致性。而今次Definitive 同 Polk Audio的喇叭得到 IMAX Enhanced 的認證,可能黎緊同公司的其他影院系統包括 Denon,Marantz,Classé,Boston Acoustics,同埋最新加入的 B&W 唔知會唔會好快跟住都會有D旗艦機可以囉埋 IMAX Enhanced 認證呢???

全新黑白預告釋出 !?
《正義聯盟》導演版僅得 4 分鐘全新補拍片段【電影資訊】

華納昨日公佈了全新的《正義聯盟》導演版黑白預告。除畫幅内容以 4:3 比例及換上導演之前講玩黑白風之外,整條影片其實見不到任何新場景或片段。片長為 4 小時導演版《正義聯盟》將以迷你劇形式在串流媒體平台 HBO Max 推出。而剪輯版中的全新場景、情節、特效及黑色超人造型都會係本作焦點。導演Zack Synder在近日訪問中提到片中包括Ben Afflect在内的五位主角均會回歸補拍額外戲份,當中正在倫敦拍攝《怪獸與牠們的產地3》,而沒法返回美國補拍的「閃電俠」Ezra Miller,亦在《怪獸3》劇組的協助下,利用遙距操作拍攝方式完成導演的指定補拍部分。今次華納特登為今次「補完計劃」額外動用了 7 千萬美元重拍餘下部份,但最震撼的是導演Zack Synder全新補拍「新鏡頭」僅有 4 分鐘内容會在導演版中使用,更强調在這 4 小時内大部分未公開畫面均已存在於《正義聯盟》最初剪輯版之内。至於過去一段時間所補拍全新片段均爲用作整合整套電影之用。呢套Zack導版的《正義聯盟》真係消息多多,希望今次真係可以比到FANS們一D驚喜啦。

https://post76.hk/news/2020/11/justice-league-snyders-cut-trailer-2/


🙋‍ ★ 想睇版友討論以上文章?? 《點我進入討論》

🏠 ★ Post76網店經已開幕 《store.post76.hk》

小瑟

關於小瑟

一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台, Post76玩樂網.

觀看所有 小瑟 的文章 - 網站

相關文章