🎉2022年到了,祝大家新年快樂!

話咁快又一年了,依家小瑟打緊呢篇文,時間係2021年12月31日,睇返2021年果個新年祝賀文章內容,都仲好記得當時自己的心情。亦都見到好多網上的平台開始有好多不同的2021年回顧文章。內容大致來來去去都係講果D,相信明的朋友都會明,唔明的就講都唔會再明。離離合合,聚散有時。其實小瑟可以就咁打返一篇祝大家身體健康,新年快樂的祝賀說話就可以了。不過睇返上年篇文,再睇返今年,的確係百感交集!🙄

先想感謝一下,在疫情之下。一直都對Post76玩樂網支持同每天入來聚首一堂的忠實會員們,見到好多仲係科林吹水的朋友有年資好長的。亦都有岩岩新做會員的朋友。好開心今時今日我地網站仲可以有新朋友加入。而有好多有心的舊版友`都會幫手照顧一下新玩影音玩具的版友。呢點去到今年都仲保持到的確難得。在此多謝大家!!🥰

另外就要多謝多位支持我們的品牌好友伙伴,讓我們在大時代的變化之中,都可以維持到整個團隊去拍片,做文章,新聞,資訊比每天收睇我們網站、Facebook、IG、MEWE、Youtube Channel的讀者,雖然呢二年做活動的機會小了。但都對我們投入信心,讓我們可以率先評測,試玩,最新產品,在此多謝支持伙伴好友!😜

最後當然係多謝一直同小瑟一同並肩作戰的Post76兄弟們,先可以令小瑟好多不設實際的空想成了事實。😆

最最最後就係多謝小瑟的屋企人,冇你地我就冇動力再做下去。 多謝你地!😘1

謝謝看完這篇文章的您,祝大家身體健康,新年進步。🎈🎉🎊


🙋‍ ★ 想睇版友討論以上文章?? 《點我進入討論》



🏠 ★ Post76網店經已開幕 《store.post76.hk》


小瑟

關於小瑟

一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台, Post76玩樂網.

觀看所有 小瑟 的文章 - 網站

相關文章