LG StanbyME 無線屏幕破格設計重新定義:無線家庭娛樂中心新態度【電視資訊】

昨天 LG 推出左一部新世代使用電視新習慣的" 活動式螢幕 “,LG StanbyME除左係可以周圍走的 螢幕 之外,最吸引人的相信都係內置電池式的設計了。配備 27 寸觸控式螢幕,支援 NFC 、Apple AirPlay 2、Apple HomeKit 以及 HDMI 連接、支援 USB 輸入,並內置多個 OTT 串流服務,包括 YouTube、Disney+、Netflix,ViuTV 等,基本上就係一部智能電視。不過 LG StanbyME 就未有內置電視的天線插位,但。。。。。。依家新世代的後生仔,仲會睇電視架咩???🤣睇都用 APP 攪掂啦!

StanbyME配置 27 寸觸控式FULL HD螢幕, 支援多種OTT APP平台!

🚶StanbyME主打後生仔市場,主打靈活調教,所以機底有 5 輪旋轉,可自由左右轉動,而且電視亦都可作上下傾斜,配合無線連接同內置電池,岩哂香港小蝸居將電視推來推去作不同的用途。底座有隱藏滾輪,輕易移動 🚶 備有多個調校選項,包括旋轉 、轉動、傾斜 及 高度,任何位置都可以舒適使用 😁 內置電池可用3小時,基本上睇一套蜘蛛俠都唔需要充電。表現尚算滿意!

除觸控屏幕之外,還附送搖控器。
配合 Androis 手機可作IG直播屏幕使用。
鏡像使用時還可 觸控屏幕轉換直播的 Filter 功能。

LG StanbyME 的27 吋屏幕能夠旋轉180°,左右轉動130°,上下傾斜50°,並以垂直或橫向方式顯示,其高度也可上下調校 20 厘米。用家亦根據自己的觀看姿勢自行調整屏幕位置,無論他們是躺平在床上、在廚房煮飯還是在辦公桌前工作,都可以自己調校一個最岩自己的觀賞角度,超級方便。

旋轉180°,左右轉動130°,上下傾斜50° ,而且操作相當暢順。
機背有NFC接觸位及一對立體聲喇叭。開關實體鍵都在左下方。
機背附有USB及HDMI輸入位方便接駁,不同訊源。

底座中的5個隱藏式滾輪讓用家可以自由碌,實試下非常暢順而且唔會感覺容易打翻電視。可放心使用!

廠方亦希望讓香港的顧客能親身體驗LG StanbyME實物帶來嶄新的娛樂生活角度,將於中環街市舉辦一連2日的「LG StanbyME時尚生活體驗館」,大家又可以去打個卡,順道睇下呢件新世代的娛樂中心新品丫。「LG StanbyME時尚生活體驗館」活動詳情如下:

日期:2022年1月12日(星期三)到1月13日(星期四)
地點:香港中環皇后大道中93號及德輔道中80號中環街市G/F Oasis

推出日期及售價

LG StanbyME即日於特約經銷商公開發售,發售日期及建議售價如下:

型號建議售價發售日期
27ART10$8,980預售日期 2022 年 1 月 6 至 17 日* 開售日期 2022 年 1 月24日

LG StanbyME 建議零售價 HK$8,980,於LG 香港官方網上商店 、豐澤、百老滙、AV Life 生活影音、蘇寧、中原電器、友和 (YOHO) 或 Club Shopping 有售。
🎁 即日起至 2022 年 1 月 17 日購買 LG StanbyME 可獲 HK$1,000 Netflix 禮品卡!

🙋‍♂️🙋‍♀️ LG 會員招募:不限於已購買 LG 產品的顧客,只要對 LG 產品有興趣均可成為會員 ☑ 成為 LG 會員第一時間了解 Life’s Good 最新產品及科技,可享額外三個月保養,並有機會被邀試用最新產品 ❤ 詳情:https://bit.ly/3fAcb5h


🙋‍ ★ 想睇版友討論以上文章?? 《點我進入討論》



🏠 ★ Post76網店經已開幕 《store.post76.hk》


火麒麟

關於火麒麟

火麒麟 - 顧明思意, 咩野都岩玩, 但就樣樣點著火頭就行開去, 喜歡聽歌, 咩歌都岩, 器材就一定要好聲, 但天價野就唔岩玩, 聽歌懶理好聲唔好聲, 最緊要岩聽.

觀看所有 火麒麟 的文章

相關文章