農曆新年必睇 : 近年第一套令人笑開懷的就係佢….《闔家辣》藍光影碟 Photo Frame Version開箱文

近呢10多年, 周星馳退休之後, 要睇港產片能夠可以真正開心, 笑到肚痛的真係小之有小😒. 尤其近幾年真係冇咩好開心既野發生. 而上年由呢套《闔家辣》, 可以話係港產片正式重光(🤗當然只係對小瑟來講啦!!)的一套港產片. 本來呢套戲應該係2022年新年檔上映的, 不過又係因為疫情, 最終拖到7月先至正式上戲院, 而疫情戲院關門之後, 小瑟同家人第一套重臨電影院就係睇呢套. 仲好記得, 當日第一個笑位(鄭中基同平哥DHL收件段戲😂), 小瑟真係係戲院內笑到收唔到聲🤣🤣🤣, 好耐都冇試過可以笑得咁開心, 咁盡興, 咁盡情. 同埋由廣東話既笑位比到既笑料, 果種由心笑出來的大笑, 真係好耐, 好耐, 好耐冇再試過了😢. 所以就係果一刻, 小瑟就好希望可以他日出碟時入手一隻珍藏😍. 而今日小瑟手上呢隻就係PANORAMA推出的限量『《闔家辣》藍光影碟 Photo Frame Version』, 平時小瑟就唔會入手呢D版本架勒, 不過呢個版的確好正. 所以就真係要同大家開箱一下.😜

《闔家辣》藍光影碟 Photo Frame Version 內附:

  • 《闔家辣》藍光影碟 x 1
  • 《闔家辣》數碼光面相片劇照 x 1 (每商品隨機發送1張全套3張)
  • 《闔家辣》2023年座檯月曆 x 1
  • 闔家福書籤 x 1
  • 闔家成員咭 x 4
  • 預購加送闔家開心拋椒海報 (乙張)
全套內附勁多相片, 有一張仲係數碼光面相片劇照來,
數碼光面相片劇照
Blu-ray碟屬於A區 有哂 : [粵語/ 國語] 字幕 : [繁中/ 簡中/ 英文]

總結 : 否極泰來…..2022年之後港產片"生性返的好開始"

一直都覺得, 上年的《飯戲攻心》票房勁收逾$7200萬固然都好值得恭喜, 不過就係一直替呢套《闔家辣》不值的係, 其實佢都好好睇, 亦都好有意思, 真實地刻劃左香港人呢幾年的平常生活模式, 「口罩, 移民, 限聚令, 冇得堂食等等…」呢D都係真真正正由 2019年之後香港人的真正生活模式, 點點滴滴都好有共嗚. 就算過多幾多年睇返都可以有返FLASH BACK🤪的效果。而《闔家辣》由2022年7月14日上映以來,暑假檔期之內就收$3210萬票房, 雖然其實都唔弱, 但真心覺得可以好好多的……..

好嘞, 其實小瑟今日仲要去拜年的👨‍👩‍👧‍👦, 今天係大年初二, 香港都開始回復正常, 而今次呢隻碟老實講, 小瑟係未開隻碟來睇的🤣, 因為依家要出左個開箱文比大家睇完之後, 就要出門口拜年了, 囉埋碟先去朋友屋企開機睇戲!!

在此小瑟恭祝大家…..🤗

新年進步, 兔兔高昇, 兔年行大運, 最緊要當然係身體健康啦!!! 🤞🤩

官方資訊 :《闔家辣》Photo Frame Version 藍光影碟

首批精美特大相架紙盒版《闔家辣》藍光影碟紙套 為 DIE-CUT 燙金椒相架紙套,加送闔家開心拋椒海報 (乙張) (送完即止)!
此商品內附:
-《闔家辣》Photo Frame Version 藍光影碟 x 1;
-《闔家辣》數碼光面相片劇照 x 1(每商品隨機發送1張;全套3張);
-闔家福書籤 x 1;
-《闔家辣》2023年座檯月曆 x 1;
-闔家成員咭 x 4;
-紙架 x 1

電影資料:
導演:鄭晉軒
演員:吳君如、鄭中基、梁詠琪、呂爵安

故事簡介
新冠疫情爆發,戲院、健身中心關閉,食肆無晚市;很多打工仔「被 no-pay 」,或安排在家工作,最初打工仔因為可以無拘束地工作感到興奮,可是漸漸發現在家工作比上班更令人苦不堪言!不過被逼在家工作,每日與家人困獸鬥,本為音樂節搞手的張栢軒 Coba (呂爵安 飾) 、冇工開終日無所事事撩交嗌的的士佬老豆 Alan (鄭中基 飾) ,和日刴夜刴做辣椒醬,人聲刀聲煩過唐三藏唸經聲的媽咪 Rita (梁詠琪 飾) ,因疫情關係竟然發掘了一個商機 – 製作辣椒醬在網上平台出售「做老闆」!豈料,疫情持續,在家吃飯成為新常態,辣椒醬生意越做越有, Coba 一家應接不暇。可是潛藏多年的家庭矛盾一觸即發,由選用哪款辣椒醬瓶子的爭拗逐一引爆,這個在家日常拉鋸戰,比他們的辣椒醬更辣!

藍光影碟規格:
語言: 粵語 / 國語
字幕: 繁中 / 簡中 / 英文
片長: 91 分鐘 + 13 分鐘 (特別收錄)
光碟數目: 1
音效: Dolby TureHD 5.1
銀幕: Full HD 1080 Wide Screen

特別收錄內容:
絕密片段曝光
製作特輯 (演員篇闔家製辣 / 從一隻火雞到Master Class)
預告 1, 2, 3

售價:HKD$299

另有單碟藍光版, 售價HKD$189 :
https://shop.panorama.com.hk/hk/comedy/4258–.html


🙋‍ ★ 想睇版友討論以上文章?? 《點我進入討論》



🏠 ★ Post76網店經已開幕 《store.post76.hk》


小瑟

關於小瑟

一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台, Post76玩樂網.

觀看所有 小瑟 的文章 - 網站

相關文章