Netflix 非主流戲劇主觀亂評 ~~ 窺視者 (#88)

SonSon

似係續集但又同第一集無關算係平行時空, 呢次故事轉係西班牙發生, 由母愛轉為父愛. 唯一不變係仍然係個隻不知名怪物及一班類似受感染反派. 以小本拍攝得出B級片格局算唔錯, 仍然睇唔見怪物仍有驚嚇感, 不過男主角由初初反派最後捨身救女主角母女較公式化.

SonSon

3個互不相識既主角, 因為有小道消息知道公司社長家中藏有逃稅巨款, 所以結成新手犯罪組合, 打算潛入偷走巨款. 睇落劇情普通, 加上成個打劫過程30分鐘已完, 正係度懷疑之後劇情走向? 點知就反轉再反轉, 係另一角度睇之前潛入過程中原來另有劇情. 全片分開多個章節, 不斷變化, 其實幾荒謬但又覺得過癮.

SonSon

荷里活劫機片睇得多, 印度拍既睇過未? 一切源自男女主角偶遇, 相愛, 懷孕打算結婚, 男方因財困打算要求女方協助係機上偷龍轉鳳打劫珠寶. 點知咁啱得咁橋遇上劫機........男主角因求偷心切就經常比劫機者密集式虐待 , 最後當男主角成功將珠寶得手後, 劇情黎個大反轉............以戲論戲類似信用欺詐師, 結局扭橋是否令人信服, 呢套OK既, 由其女主角真係幾印度西施

tinlunlau

呢兩個胡金銓紀錄片好似可以睇得過吓。不過要翻牆過台灣

SonSon

一套描寫二次大戰尾聲, 納粹德國戰敗前為咗一批猶太人黃金同村民爭奪戰. 以Netflix制作算忠實呈現當時境況, 但劇情前半段大多預計到, 反而後半段劇情有D估你唔到, 衝突場面甚至有D血腥感. 不過劇情其實有D反駁, 男主角亂槍掃射都唔死似不死身, 女主角愈來愈打得. 甚至結尾男女主角離開尋找新生活但連一舊黃金都唔攞走就有D離奇........

SonSon

近期有套同名電影上畫所以攞黎睇 , 點知一睇上癮最終極速煲晒. 劇集吸引之處係真實故事改編, 看似一個和諧社區, 原來位位鄰居都貌似窺視者. 劇情經常誤導觀眾某人就是主謀, 主角一家生活係被監視中恐懼, 警方又愛理不理等, 當主角兩夫婦主動調查, 又因為咁嚴重影響家庭生活, 睇落都幾似現實世界, 究竟最後邊個先係主謀???