KEF R Series 全體全景聲沉醉式體驗夜 (會後討論)

小瑟

今晚同大家玩足個半鐘, 10大試機碟都一一囉哂出來同大家實測呢套加入META技術的 Kef R Series新喇叭, 仲用返我地STUDIO做測試的 5.2.4, 反射天空CHANNEL喇叭, 用埋ANTHEM AVM90前後級去推足9隻喇叭, 應付 KMG 呢個咁大既場小瑟覺得真係收貨有餘, 唔知大家聽完成場, 又點睇今次活動呢?? 不妨由你地既位置講起, 再分享一下今晚你又有咩得著好嗎???

謝謝大家6:30唔食飯就來到呀~

asu2007

大王！客氣說話唔多講，上一次 KEF Reference 系列我都有列席，但真心今晚啲聲真係好正好正，比上次仲好，我相信你今日由中午十二点已經响現場做設定嘅心血完全冇白費，多謝你哋整個團院為我哋嘅付出……感謝！
剛到家，晏小小再作聽後感報告……

GodhitLai@FB

多謝晒 俾咁機會來 試聽
個R6 能量好勁 我自己坐最後排中間都啱啱好頂得往 坐我前面2位師兄 頂到咁耐 果然勁

小瑟

GodhitLai@FB 發表於 2023-3-24 23:26
多謝晒 俾咁機會來 試聽
個R6 能量好勁 我自己坐最後排中間都啱啱好頂得往 坐我前面2位師兄 頂到咁耐 果然 ...

下，真係架，我驚你地覺得太細聲炸，我比今日試時加大左0.5等個量勁D呀！估唔到R系可以咁捱得。

pac

asu2007 發表於 2023-3-24 23:20
大王！客氣說話唔多講，上一次 KEF Reference 系列我都有列席，但真心今晚啲聲真係好正好正，比上次仲好， ...

用ANTHEM 前後級推應該唔會差啦

usopp

作為上次有去ANTHEM 前後級demo嘅版友，今次就真係show 到ANTHEM 前後級嘅威力啦，上次個show完全唔毒，今次就真係毒到爆炸，真係一洗我對kef 嘅印象，果然kef 係要R系列起跳，一個字正

garfunkel910

多謝大王俾機會我參加今次個R6試聽會，今次係我參加過嘅試聽會能量最大嘅一次，雖然坐得好側邊，無中間皇帝位嘅感受，但都感受到各項配置嘅威力。質感好實淨，surround 包圍感亦好真實。性價比高嘅組合。

YuKeungLai@FB

小弟有幸第一次參與活動，謝謝大王
剛好我正是R11(不是Mate)的用家，而亦有幸地坐在最近R11的位置（前排最左）當時真的有種在家中，很熟悉的感覺，而不同的當然是音色分別，因會場的架撐肯定比我優勝吧！
我不講R系列如何強勁了，我直接說R11Mate的分別吧，更強分析力及音場是給我最大的感覺，記得有一段大棚嘢，左邊的R11首先是純粹播放小提琴背景，後來加入打鬥場面聲音,當兩種聲音混合一起出來時，我知道是同一個喇叭，但感覺不似，而是似兩隻獨立發出似的，完全沒有雜亂無章，很清晰👍🏻，而我位置亦很近，但也不覺得聽得很辛苦及刺耳，可見分析力如何強勁及音場之闊，這應該歸功於Mate及Anthem的配合吧
另外最令我喜出望外的就是R6，力水十分足夠，聽Gaga那段十分悅耳，如果冇聽錯，那段Gaga的歌聲只有這個前置負責，但撐起全場有餘，利害👍🏻
最後，多謝你們的小禮物，希望下次再有幸出席

tcflex

由於我也是用 anthem用家 , 及到pac 師兄聽過KEF Reference, 所以我都基本是知道聲抵, 另外我都用 2 隻kef atmos enable ( R50 ) 在前置, 另外 surround 上用另一隻品牌, 今次反射同我屋企差不多, R 6 meta 中置真係有suprise. 人 聲清清楚楚, 量大, 我upgrade 都 consider.

Thanks for KEF staffs and Post76

asu2007

近年都參與咗好幾次由 Post76 大王團隊攪嘅影音分享會，每次都好有水準，唔難睇得出佢哋响過程中悉心嘅安排同準備……讚！
入正題……我尋晚非常幸運，被抽中可參與呢個 KEF R Meta 系列分享會，仲有幸坐正皇帝位，再加上自己屋企都係用緊 R3 R2c，所以都非常期待聽吓佢哋嘅表現！
今次現場 setting 係 5.2.4(R8 Meta 反射喇叭)，大王先用 Atmos 試音碟俾我哋感受反射喇叭嘅威力，真心講……“得喎”
雖然唔可以講得定位好精準，但天花音效真係好明顯，如大家有留意試音室嘅天花並不是石屎牆，而係用木條作裝修，所以反射效果理應會大打折扣，但事實又唔係咁，我處身皇帝位又真係聽得好清晰嘅物件移動音效，如果屋企唔可以裝天花喇叭，我非常推介用呢款天花喇叭暫作緩衝方案……
跟住再講吓 R6 Meta 嘅表現，因為我本身都用緊 R2c 中置喇叭，再用上 ATI 後級，所以都好清楚佢嘅表現，將 R6 Meta 與R2c 作 AB 比較，我感覺 R6 Meta 能量感強咗好多，低音亦多咗，令到人聲雄厚有力，相信睇電影時會更加投入……
整體嚟講，當晚嘅影音分享會，算得上係我近年參加 Post 76 event 最好嘅一次……
最後我想同大王講聲，唔單止你一個人俾 KEF 最新 “R ” 系列毒到，聽完呢個分享會，我都俾佢毒到應一應，因為價錢真係算得上較親民，我都積極考慮升級 R7 Meta R6 Meta……
到最後再次感謝 Post 76 團隊當晚為我哋呢 15 位幸運兒帶上一個咁高質嘅喇叭分享會……